Форум туралы

ЕУРАЗИЯ МЕДИА ФОРУМЫ

Еуразия Медиа Форумыөзінің ақпарат өрісінде жыл сайын әлемнің 60 елінен келетін 600-ден астам делегаттың басын қосатын халықаралық пікірталас алаңы.

Еуразия Медиа Форумы нда әлемдік медиакеңістіктегі беделді тұлғалар, азулы сарапшылар және әр салада өзін мойындатқан кәсіби мамандардың қатысуымен қазіргі заманның ең өзекті тақырыптары сарапқа салынатын ашық диалог жүреді.

Форум жұмысы 2002 жылы Қазақстан Республикасының Президенті Нұрсұлтан Назарбаевтың құттықтау сөзімен ашылған болатын. Содан бері Форум саяси, экономикалық және әлеуметтік мәселелердің кең ауқымын қамтитын әлемдік деңгейдегі оқиғаға айналды.

Еуразия Медиа Форумы ең ірі халықаралық медиақұрылымдар өкілдері мен әлемдік деңгейдегі сарапшылардың ашық диалогын құруға басым бағыт береді.

Форум құрылғаннан бері саяси ғылымдар докторы Дариға Назарбаева оның идеялық рухтандырушысы және Ұйымдастыру комитетінің тұрақты төрайымы болып келеді.

ЕУРАЗИЯ ДАМУ ҚОРЫ

Еуразия даму қоры сарапшылық зерттеу мен білім беру саласында, бұқаралық медиа, PR-кампания, үкіметпен қарым-қатынас және түрлі шараларды ұйымдастыруда көпжылдық тәжірибеге ие.

15 жылдан бері Қор халықаралық конференцияларды өткізуге маманданған. Сондай шараның бірі – Еуразия Медиа Форумы. Қор портфолиосы Қазақстан инвестициялық саммиті, OANA конференциясы, Дүниежүзілік орыс баспасөзінің конгресі, PNND конференциясы, АИБА конгресі, ХОК («Алматы-2022») комиссиясының отырысы, сондай-ақ жоғары лауазымды мемлекеттік тұлғалардың қатысуымен өткен 30-дан астам шараны қамтиды.

Біздің кіршіксіз беделіміз, кәсіби команда, сенімді серіктестердің кең жүйесі, БАҚ-тармен достық байланыс және әкімшілік ресурс ұзақ жылдар бойы Қордың нарықтағы тұрақты орнын сақтауға септігін тигізеді.

60+ ел
біздің мүшелеріміз ұсынған
600+ сарапшылар
бүкіл әлемнен