2021: Әлем жаңа құндылықтар іздейді
Спикерлер
Сергей Киселев
Медиаменеджер, продюсер. Қазақстан Республикасының еңбек сіңірген қайраткері. zakon.kz ақпараттық порталының және «Параграф» құқықтық ақпараттық жүйесінің негізін қалаушысы. Қазақстан Республикасы Президентінің қазақстандық теледидар журналистикасын дамытуға қосқан шығармашылық үлесі үшін сыйлығының лауреаты.
Сергей Киселев қызметін құқық және заңнама мәселелеріне маманданған журналист болып бастады. 1999-2004 жылдары «Юрист», «Заңгер» журналының бас редакторы, қазақстандық теледидардағы телехабарлардың авторы және жүргізушісі болды. 2004-2007 жылдары - Қазақстан Республиксы Парламентінің депутаты.
2007 жылдан бастап осы уақытқа дейін қазақстандық «Еуразия бірінші арнасына» - көптеген жылдардан бері Қазақстандағы ең жоғары рейтингке ие болып келе жатқан телеарнаға басшылық етеді.
Игорь Рогов
Заң ғылымдарының докторы, профессор, Қазақстан Республикасы Қоғамдық ғылымдар академиясының академигі. Осы жылдар ішінде ол Қазақстан Республикасы Конституциялық Кеңесінің Төрағасы, Қазақстан Республикасы Президенті Әкімшілігі Басшысының орынбасары, Қазақстан Республикасының Әділет министрі, Қазақстан Республикасы Президентінің кеңесшісі қызметтерін атқарды. Қазақстан Республикасы Президентінің көмекшісі, Қазақстан Республикасы Конституциялық соты төрағасының орынбасары, Қазақстан Республикасы Заң арқылы демократия бойынша Еуропалық комиссияның (Венеция комиссиясы) мүшесі, Халықаралық заңгерлер одағы төрағасының орынбасары, Қазақстан Республикасы Президенті жанындағы Кешірім беру жөніндегі комиссияның төрағасы, Қазақстан криминологиялық бірлестіктің Құрметті Президенті және сыбайлас жемқорлыққа қарсы күрес жөніндегі қоғамдық кеңестің Төрағасы. Ол қазақстандық және шетелдік басылымдарда 200 -ден астам ғылыми және ғылыми -көпшілік мақалалар, қылмыстық құқық бойынша оқу -әдістемелік құралдар жариялады.
Марина Бузубаева
Интернет-маркетинг саласында көп жылдық тәжірибесі бар, интернет-жарнама нарығын сараптауы мен білуі жоғары дәрежеде. ҚР ірі телекоммуникациялық компанияларында маркетингке басшылық етті. 2014 жылы TV Media Digital интернет сейлз-хаусына басшы болды. Жарнамалық бейнеинвентарь төрелігі жүйесін ендіруге қатысты.
Антон Осипов
Маркетинг және жарнама саласында 22 жылдан аса жұмыс тәжірибесі бар. Оның ішінде 10 жыл digital саласында қызмет атқарды. 2013 жылы Беларусьтің сол кездегі аса ірі digital агенттігі AFFINITY шақыруы бойынша «Digital»-дағы креативтік әдістер» тақырыбында дәрістер курсын оқыды. 2016 ж. – АҚШ үкіметінің шақыруы бойынша Stanford University-де өткен аса ірі GES халықаралық саммитінің қатысушысы, онда Марк Цукерберг, Сергей Брин, Рид Хоффман, Брайан Чески, Барак Обама және бүкіл әлемдегі аса ірі digital компанияларының келген басқа да өкілдер спикер болды.
2016 ж. - Сан-Францискодағы (Калифорния) «Digitall» digital агентттігінің негізін қалаушысы, клиенттері - Xero (шағын және орта бизнеске арналған бұлттық бухгалтерлік платформа), BBC London, Nike.
2017 ж. - Mobi Event-те спикер, сөйлеу тақырыбы: «BIG DATA — біздің барымыз».
Ұлжалғас Чымырбаева
Ұлжалғас Чымырбаеваның телеарнада және жарнамалық агенттіктерде әртүрлі қызметтер атқару тәжірибесі бар, соның ішінде P&G, GSK, Shell Helix, Кcell сияқты ірі компаниялармен жұмыс істеді. Креативті стратегиялар құрды және клиенттердің маркетингтік қызметіне жатакшілік етті.
Татьяна Старцева
Татьяна Старцева зерттеу инустриясында жергілікті және халықаралық зерттеу компанияларының топ-менеджері лауазымында 20 жылдан аса қызмет атқару тәжірибесі бар. Қазіргі уақытта деректер, талдамалық бағалау және консалтинг саласындағы жетекші әлемдік компанияның құрамына кіретін Kantar [TNS Central Asia] компаниясының басқарушы директоры болып табылады.
Kantar әлеуметтік желілер мониторингі, жарнаманың тиімділігі, тұтынушылар мен сатып алушылардың беталысы, қоғамдық пікірді зерделеуді қоса, түрлі зерттеу бағыттарында жұмыс атқарады және 90-нан аса нарықта жаһандық және жергілікті деңгейлерде клиенттердің адамдарды жақсырақ түсінуіне көмектеседі
Kantar әлемдегі зерттеу компанияардың ішінде ауқымы бойынша үшінші орында, ол Fortune 500 тізіміндегі компаниялардың жартысынан көбіне қызмет көрсетеді. Kantar компаниясының аймақтағы өкілі ретінде Татьяна мен оның командасы Қазақстан мен Өзбкстанда БАҚ аудиториясын өлшеу жүйелерін құру мен қолдауды қоса, клиенттер үшін бүкіл өңір бойынша көптеген зерттеу жобаларына қатысты.
Иштван Палффи-Орбан
Иштван Палффи-Орбан теледидар жаңалықтарының редакторы, елші, ЕО бойынша сарапшы, жазушы, журналист, сәулетші болып табылады. Будапешт техникалық университетін сәулетші мамандығы бойынша бітірген. 1988 жылы Венгрия радиосына (MR) радиокомментатор ретінде жұмысқа тұрды, ал 1993 жылы Венгрияның аса ірі «Радио Кошут» мемлекеттік арнасының жаңалықтар редакторы болды. 1994 - 1997 жылдары MR Training and Education-ды басқарды, содан кейін коммерциялық БАҚ-тарға ауысты. Венгрияның ең табысты tv2 телеарнасында жаңалықтар бөлімінің басшысы және кешкі жаңалықтар мен ағымдағы оқиғалардың комментаторы ретінде 5 жыл еңбек етті. 2002 жылы мемлекеттік қызметке қайта оралды.
2009 жылы Еуропалық Одақтың сарапшысы дипломын алып, Христиан-демократиялық халық партиясының мүшесі болды және коммуникациялар мен БАҚ мәселелері үшін жауап берді. 2010 жылы парламент мандатын алды және 4 жыл бойы парламент депутаты болды. Парламентте Мәдениет және БАҚ жөніндегі комитеттің вице-президенті лауазымын атқарды.
2014-2015 жылдары Брюссельде Еуропа халық партиясының жанындағы Христиан-демократиялық халық партиясының халықаралық хатшысы болып жұмыс істеді және 2019 жылға дейін Ирландиядағы Венгрияның елшісі болып, Дублинде тұрды
Тофик Аббасов
1993 жылы Әзірбайжан Республикасының көшбасшысы Гейдар Әлиевтің Жарлығымен мемлекет басшысы Әкімшілігінің баспасөз қызметінің басшысы болып тағайындалды, сонымен бірге президенттің баспасөз хатшысы лауазымын қоса атқарды. 1994-1996 жылдары Әзірбайжанның Экология және табиғи ресурстар министрлігінің ақпараттық саясат және сыртқы байланыстар жөніндегі кеңесшісі болып жұмыс істеді. 1996 - 2005 жылдары – CASPİAN халықаралық аймақтық басылымының бас редакторы. 2005-2006 жылдары «KASPİY» күнделікті газеті баспагерінің бірінші орынбасары болды. 2006 – 2010 жылдары - LİDER телекомпаниясының Ақпараттық және саяси бағдарламалар департаментінің директоры. 2011-2012 жылдары «Айна» күнделікті газетінің Ақпараттық-талдамалық жарияланымдар департаментінің бастығы. 2012 - 2015 жылдары – Әзірбайжандағы «New Baku Post» алғашқы таблоидтық кезеңдік басылымының құрылтайшысы және бас редакторы.
2016 жылдан бастап Баку Халықаралық мультимәдени орталығының аға кеңесшісі болып жұмыс істейді. 2019 жылғы тамыздан бастап «Әзірбайжан телерадиохабар» ЖАҚ саяси шолушысы.
Физули Маджидли Зульфу оглы
«Ortaq Məxrəc» («Отақ бөлгіш»), «Цифрлық әлем» және «Ақпараттық қоғам» сияқты бірнеше танымал телебағдарламалардың жүргізушісі болып табылады. Аға редактор, саяси комментатор, Әзербайжан қоғамдық телерадиохабар компаниясы бюросының (Ictimai TV) меңгерушісі, Әзербайжанның Орталық Азия теледидар бюросының директоры қызметтерін атқару мол тәжірибесі бар. 2013 жылдан бастап штаб-пәтері Монрель қаласында (Канада) орналасқан Халықаралық саяси ғылымдар қауымдастығының мүшесі болып табылады. Еңбегі үшін Қазақстан Республикасы Сыртқы істер министрлігінің Құрмет грамотасымен, Қазақстан халқы ассамблеясының Қазақстан Республикасының негізін қалаушысы Нұрсұлтан Назарбаев қол қойған «Бірлік» алтын медалімен марапатталған. Ондаған ғылыми және публицистикалық мақалалары әлемнің түрлі елдерінде жарияланған.
Ирина Звягельская
Ирина Доновна Звягельская, тарих ғылымдарының кандидаты, профессор, РҒА Әлемдік экономика және халықаралық қатынастар институтында Таяу Шығыс зерттеулері орталығының басшысы, Ресей Көптеген жылдар бойы РҒА Шығыстану институтында жұмыс істеді, Мәскеу мемлекеттік халықаралық қатынастар институтында (университетінде), ММУ Азия және Африка елдері институтында сабақ берді. Ғылыми қызығушылығы – халықаралық қатынастар тарихы, қақтығыстар, саяси процесс, Таяу Шығыстағы және Орталық Азиядағы қауіпсіздік проблемалары. Жеке монографияларын, ұжымдық еңбектердегі тарауларды, отандық және шетелдік басылымдардағы мақалаларын қоса, 250-ден аса жарияланымның авторы. Халықаралық істер жөніндегі Ресей кеңесінің және Халықаралық стратегиялық зерттеулер институтының (IISS) мүшесі болып табылады.
Хусейн Хаккани
Хаккани Гудзон институтында мұсылман әлемінің болашағы жөніндегі жобаның тең төрағасы және Вашингтонда шығарылатын «Исламистік идеологияның қазіргі заманғы үрдістері» журналының редакторы. Қызметте тамаша мансапқа жетіп, осы жылдар ішінде ол АҚШ-тағы Пәкістанның елшісі, Халықаралық қатынастар орталығының директоры және Бостон университетінің халықаралық қатынастар профессоры, сонымен қатар Пәкістанның төрт премьер-министрінің: Юсуф Раза Гиланидің, Беназир Бхуттоның, Наваз Шарифтің және Гулам Мустафа Джатоидың кеңесшісі болды. Көптеген халықаралық басылымдар мен кітаптардың авторы.
Бахтиёр Эргашев
Стратегиялық және институциялық талдау және болжау саласының маманы болып табылады. Стратегиялық сипаттағы бірқатар құжаттарды әзірлеуге қатысты. Ұлттық және аймақтық қауіпсіздік, демократиялық институттардың қалыптасу процестерін талдау, посткеңестік елдердегі саяси және экономикалық трансформация процестерін талдау бойынша маманданған. Пәнаралық тәсілдер негізіндегі, саясаттану, экономика, әлеуметтану, мәдениеттану, әлеуметтік антропология мен психологияның тоғысындағы зерттеулермен айналысады. Монографиялар мен ғылыми мақалалардың авторы.
Сұлтан Әкімбеков
Сұлтан Әкімбеков 1964 жылы туған. «Дала тарихы» (2011, 2016, 2018 ж. шығарылған), «Ауғанстан тарихы» (2015 ж.), «Қазақстан Ресей империясында» (2018 ж.), «Революция мен аштық арасындағы қазақтар» (2021 ж.) кітаптарының авторы. Қазақстандық «Континент» және «Азия орталығы» журналдарының бас редакторы, Әлемдік экономика және саясат институтының директоры болып жұмыс істеді. Қазіргі уақытта Алматыда Азия зерттеулері институтының директоры.
Өміртай Бітімов
Өміртай Бітімов – Қазақстан Республикасы ұлттық қауіпсіздік органдарының ардагері. Қызмет еткен жылдары Қазақстан Республикасы Сыртқы істер министрлігінің ерекше тапсырмалар жөніндегі Елшісі, Түркиядағы ҚР елшілігінде кеңесші, ҚР СІМ Таяу, Орта Шығыс және Солтүстік Африка басқармасының бастығы, Ауғанстан Ислам Республикасындағы Қазақстан Республикасының Төтенше және Уәкілетті Елшісі болып жұмыс істеді. 30-дан аса мемлекеттік және ведомстволық марапаттардың иегері: Қазақстан Республикасының құрмет грамотасы, 2-ші дәрежелі Даңқ және Достық ордендері, «Ұлттық қауіпсіздікті қамтамасыз етуге қосқан үлесі үшін», «Қазақстан Республикасы Ұлттық қауіпсіздік комитетінің ардагері» медальдары, Ауғанстанның «Маджиди Хан әлемі» жоғарғы медалі.
Ильмурад Джумаев
Орталық Азия Жарнама Қауымдастығы сарапшылар комиссиясының төрағасы, маркетинг және жарнама саласында 20 жылдан аса жұмыс тәжірибесі бар, жарнама бойынша конференциялардың, Ұлттық жарнама форумының және AdTribune модераторы және спикері
Руперт Гудман
Руперт Гудман - Уэльстің Ұлттық ботаникалық бағының (National Botanic Garden of Wales) директоры, Британ-Қазақ қоғамы комитетінің мүшесі және қамқоршысы, Британия-Алжир іскерлік достастығының вице-президенті. Capitalism Initiative зияткерлік орталығының құрылтайшысы және өкілі, Atlantic International халықаралық консультациялық кеңесінің мүшесі болып табылады.
Руперт Гудман төрағасы болып табылатын World Petroleum халықаралық ұйымы мұнай секторында бүкіл әлем бойынша жұмыс атқарады. 2016 жылы Гудман The Prince's Trust қайырымдылық ұйымының төрағасының орынбасары және қамқоршысы болып тағайындалды. Итон колледжінде оқуының, Принц Чарльзбен және Король отбасының басқа да мүшелерімен жұмыс істеуінің арқасында британиялық истеблишментте, парламентте және үкіметте байланыстары көп.
FIRST журналының бсқарма төрағасы және негізін қалаушысы болып табылады.
.
Курт Дебеф
Курт Дебеф - шолушы және халықаралық істер жөніндегі сарапшы, Еуропалық зерттеулер институтының ғылыми қызметкері (Брюссель университеті) және Шешілуі күрделі қақтығыстарды реттеу орталығының (Оксфорд университеті) ғылыми қызметкері лауазымын атқарады.
Бельгия премьер-министрінің спичрайтері және бұрынғы кеңесшісі. Сыншылардың жоғары бағалауына ие болған «Араб революциясының ішінде» және «Трибализация. Неліктен соғыс төніп келеді» кітаптарының авторы.
Рауан Кенжеханұлы
2014-2016 жылдары Қызылорда облысы әкімінің орынбасары қызметін атқарған. Оған дейін Маңғыстау облысы әкімінің кеңесшісі және Қазақстанның Ресейдегі елшілігінің бірінші хатшысы болған.
Одан ертерек «Хабар» арнасының экономикалық шолушысы, арнаның Ресейдегі меншікті тілшісі болған. Сондай-ақ, «Қазақстан» РТРК АҚ-ның Маңғыстау облыстық филиалының басшысы және Ұлттық Пікір-Сайыс Орталығының үйлестірушісі болып жұмыс істеген. «Азамат» жастар интеллектуалдық клубының негізін қалаған.
Алматыдағы Абай атындағы университетінің халықаралық қатынастар факультетін, Мәскеудегі мемлекеттік басқару және халық шаруашылығы академиясының бизнес мектебін (MBA) тамамдаған.
Бертінде, АҚШ-тағы Гарвард университеті «Weatherhead» халықаралық қатынастар орталығының Fellows бағдарламасынан өткен.
Кэти Патерсон
Патерсон тұжырымдамалық жобаларымен белгілі, олардың арасында: ай сәулесін имитациялайтын шам, Ғаламдағы «өлі» жұлдыздардың картасы, еріп жатқан мұздықтың дыбыстарын тарату және өңделген метеоритті ғарышқа қайта жіберу.
Ол Сенгер Институтында суретші болып жұмыс істеді, шарықтау шегі «Қазба алқа» жұмысы болды. Кэтидің туындылары халықаралық көрмелерге: Британиядағы Тейт галереясында, Сиднейдегі заманауи өнер мұражайында, Нью-Йорктегі Соломон Гуггенхайм мұражайы мен Шотландияның қазіргі заманғы ұлттық өнер галереясына қойылды. Лондонның Университеттік колледжінің, Еуропалық ғарыш агенттігінің, Калифорния технологиялық институтының ғалымдарымен көркемдік зерттеулер жүргізіп, тығыз жұмыс істейді. «Бейнелеу өнері» номинациясы бойынша South Bank сыйлығының иегері, Эдинбург университетінің құрметті мүшесі болып табылады.
Ербол Есенеев
басқарушы директоры —агроөнеркәсіптік кешен және тамақ өнеркәсібі департаментінің директоры Салада жұмыс істеу тәжірибесі мол, әр жылдары
EcoProductAstana директоры, «ҚазАгро» ұлттық басқарушы холдингі» акционерлер қоғамы Директорлар кеңесінің мүшесі, Қазақстан фермерлер одағы төрағасының орынбасары болған.
Филипп Сапрыкин
Ол өзінің дипломатиялық қызметін 1993 жылы Ресей СІМ ММХҚИ халықаралық құқық факультетін бітіргеннен кейін Мәскеуде, Ресей Федерациясының Сыртқы істер министрлігінде бастады. Ресей Федерациясының Сыртқы істер министрлігінің ТМД істері жөніндегі департаментінде, құқық департаментінде, халықаралық ұйымдар департаментінде, сонымен қатар жаңа сын-тегеуріндер мен қатерлер мәселелері департаментінде қызмет атқарды. Бірнеше мәрте шетелге: Түркменстанға (1995-96), Канадаға (1996) Швейцарияға (1996-2000) іссапарға жіберілді. Заң ғылымдарының кандидаты дәрежесі бар (1996).
2002-2009 жж. бастап Стокгольмде (Швеция) Балтық теңізі мемлекеттерінің кеңесі Халықаралық хатшылығында Бас директордың орынбасары лауазымын атқарды. Экономика, энергетика және көлік, ақпараттық технологиялар саласында өңірлік ынтымақтастық мәселелері үшін жауап берді. 2010-2011 жылдардан бастап Ресей Федерациясының Әділет министрлігінде халықаралық ынтымақтастық департаментінің орынбасары болып жұмыс істеді.
2011-2013 жж. - Ресей Сыртқы істер министрлігінің жаңа сын-тегеуріндер мен қатерлер мәселелері департаментінде бөлім бастығы.
2013-2015 жж. Алматы қ. (Қазақстан) БҰҰ Есірткі және қылмыс жөніндегі басқармасының Бағдарламалық кеңсесінің басшысы қызметін атқарды, ОАӨАҮО жобасының аға үйлестірушісі болды.
1967 жылы туған, ұлы мен қызы бар.
Якуп Бериш
Қазақстандағы БҰҰ Даму бағдарламасына (БҰҰДБ) келгенге дейін, Бериш БҰҰДБ-ның араб мемлекеттеріне арналған Аймақтық бағдарламасын басқарды және БҰҰ-ның араб мемлекеттеріне арналған Нью-Йорктегі Аймақтық бюросында бағдарлама бойынша консультация беруші болып жұмыс істеді. Сонымен қатар Жан-жақты қамтитын бейбітшілік келісім бойынша жұмысты аяқтау кезінде БҰҰДБ-ның Аммандағы және Хартумдағы елдік бөлімшелерінде басшы лауазымдар атқарды. Вашингтонда Дүниежүзілік банктің бірнеше департаменттерінде жұмыс істеу тәжірибесі бар. Кітаптар мен мақалалардың бірлескен авторы.
Ләззат Танысбай
Ләззат Танысбай – Қазақстандағы танымал тележурналист, медиаменеджер. Қазақстан Республикасы Президенті Әкімшілігінің Баспасөз қызметінде бас сарапшы және бөлім меңгерушісі қызметін атқарған. Кейіннен Қазақстан Республикасы Мәдениет, ақпарат және спорт министрлігінің Ақпарат және мұрағат комитеті төрағасының орынбасары, Ақпарат және байланыс вице-министрі болып еңбек етті. Республикалық «Астана» телеарнасын, елдегі бірнеше газет, радио, интернет-басылымды біріктірген «Нұр-Медиа» холдингін басқарды. 2019 жылы «Қазақстан» республикалық телерадиокорпорациясының Басқарма төрайымы қызметіне тағайындалды. 2020 жылы Ләззат Танысбайдың жетекшілігімен Корпорация ішінен «Abai TV» мәдени-ағарту телеарнасы құрылды. Қазақстан Журналистер Одағы сыйлығының лауреаты, «Құрмет» орденінің иегері, қазақстандық журналистика мен ұлттық телевизияның дамуына қосқан үлесі үшін ҚР Президентінің БАҚ саласындағы сыйлығымен марапатталған. Қазақстанның Еңбек сіңірген қайраткері.
Мәулен Әшімбаев
Әл-Фараби атындағы Қазақ ұлттық университетін және Тафтс университетінің Флетчер атындағы құқық және дипломатия мектебін (АҚШ) бітірген. Экономист - политэкономия мұғалімі, халықаралық қатынастар магистрі. Саяси ғылымдарының кандидаты.
2020 жылдың мамырында Қазақстан Республикасы Президентінің Жарлығымен Қазақстан Республикасы Парламенті Сенатының депутаты болып тағайындалды, алтыншы шақырылымдағы Қазақстан Республикасы Парламенті Сенатының Төрағасы болып сайланды.
«Парасат», «Құрмет» ордендерімен, Қазақстан Республикасының Құрмет грамотасымен және мерекелік медальдармен марапатталған.
ҚАЙРАТ ӘБУСЕЙІТОВ
Қоры Жоғарғы буынды дипломат ретінде көп жылдық және мол тәжірибесі бар қазақстандық мемлекет қайраткері.
Өзінің кәсіби өмірін дипломатиялық қызметке арнады. Өз жұмысында көпжақты ынтымақтастықты, сондай-ақ ҚР-ның халықаралық бейбітшілік пен қауіпсіздікті нығайту жөніндегі сыртқы саяси бастамаларын ілгерілетуге баса назар аударды.
Сыртқы істер министрлігінде Қ.Әбусейітов түрлі кезеңдерде халықаралық қауіпсіздік және қару-жарақты бақылау бөлімдерінің бастығы, Көпжақты ынтымақтастық департаментінің директоры және Сыртқы істер министрінің орынбасары қызметтерін атқарды.
Бірнеше рет ҚР дипломатиялық өкілдіктерін – ҚР-ның Швейцариядағы Елшілігін және Қазақстанның Женевадағы БҰҰ бөлімшесі мен басқа да халықаралық ұйымдар жанындағы Тұрақты өкілдігін, ҚР-ның Ұлыбритания және Солтүстік Ирландия Біріккен Корольдігіндегі Елшілігін басқарды, сондай-ақ Ирландия, Исландия, Швециядағы өкілетті елшісі қызметін қоса атқарушы болды.
Нұрсұлтан Назарбаев Қорына жұмысқа ауысқанға дейін Қазақстанның Норвегиядағы Елшісі қызметін атқарды.
Дипломатиялық қызмет жылдарында Қ.Әбусейітов "Құрмет" (2003 ж.) және "Достық" (2018 ж.) ордендерімен марапатталды. Дипломатиялық дәрежесі - Төтенше және Өкілетті Елші.
Аида Балаева
Аида Балаева 20 жылдан астам уақыт мемлекеттік қызмет жолында еңбек етіп келеді. Еңбек жолын Алматы облыстық ақпарат және қоғамдық келісім басқармасының жетекші маманы лауазымынан бастап, бөлім жетекшісі, басқарма басшысының орынбасары, департамент директоры, ішкі саясат басқармасы бастығы, Астана қаласы әкімінің орынбасары, ҚР Президенті Әкімшілігінің ішкі саясат бөлімінің басшысы лауазымдарына дейін көтерілді. Сондай-ақ, ҚР Президентінің көмекшісі бола жүріп, Президент Әкімшілігінің Өтініштерді қарауды бақылау бөлімінің меңгерушісі қызметін қоса атқарды. 2020 жылдың 4 мамырынан бастап ҚР Ақпарат және қоғамдық даму министрі.
Сан-салалы мемлекеттік басқару қызметінде түрлі лауазымдарды атқарған Аида Балаева өзінің карьерасында азаматтық қоғам институттарымен, соның ішінде медиа қауымдастықпен өзара ынтымақтастықта үнемі бірлесіп, жұмыс жасап келеді.
Аида Балаева, бүгінгі таңда Ақпаратқа қол жеткізу мәселелері комиссиясының, ҚР АҚДМ жанындағы діни бірлестіктермен байланыстар жөніндегі кеңестің, Үкіметтік емес ұйымдармен өзара іс-қимыл жөніндегі үйлестіру кеңесінің төрайымы.
Сонымен бірге Аида Балаева «Егемен Қазақстан», «Қазинформ», «Қазақ газеттері», «Қазтелерадио» және «ҚазМедиа Орталығы» директорлар Кеңестерінің төрайымы.
Әлеуметтану ғылымдарының кандидаты.
Екатерина Шульман
Саясат ғылымдарының кандидаты, РХШжМҚА Қоғамдық ғылымдар институтының мемлекеттік басқару кафедрасының доценті, ММУ Саясаттану факультетінің Ресей саясаты кафедрасының оқытушысы. «Ведомости» газетінің колумнисі. «Эхо Москвы» радиостанциясында, «Дождь» телеарнасында авторлық бағдарламалардың жүргізушісі, сонымен қатар «Прямая речь» лекторийінде тұрақты түрде дәрістер оқиды.
Алекс Волчич
Алессандро (Алекс) Волчич – Ресейде және ТМД-да «Kroll» компаниясын басқарады және Kroll тексерістерінің Форензик практикасының басқарушы директоры болып табылады. Алекс Ресейде және ТМД-да Kroll командасына басшылық етеді, сонымен қатар Орталық және Шығыс Еуропа мен Скандинавиядағы жобаларды басқарады.
Ол корпорациялар мен қаржы мекемелері үшін көптеген тексерістерге, соның ішінде дью дилидженс бойынша тексерулер, корпоративтік тексерістер, нарыққа шығу мәселелері бойынша зерттеулер, сыбайлас жемқорлық пен парақорлық жағдайларын ішкі тексеру, форензик тексерістер, комплаенс және активтерді іздеу бойынша басшылық жасайды.
Дмитрий Судаков
Дмитрий білім беру және адами капиталды дамыту сияқты салаларға, әсіресе біліктілікті жоғарылату тұрғысынан ерекше назар аударады. Халықаралық еңбек ұйымы үшін технологиялық болжау машықтары құралдарын әзірлеу, БРИКС-тің машықтарды дамыту жөніндегі Жұмыс тобы үшін стртатегиялық жол картасын әзірлеу, Танзания Біріккен Республикасы үшін машықтарды дамытудың Ұлттық стратегиясын әзірлеу және басқа да көптеген халықаралық жобаларға қатысты.
Дмитрий WorldSkills Russia жаһандық бастамасы – болашақта қандай машықтар керек болатынын және оқу процесін біздің қалай өзгерткеніміз жөн екенін түсінуді қалыптастыруға бағытталған FutureSkills жобасының көшбасшыларының бірі болған. Дмитрий сонымен қатар жастарға кәсіби бағдар беруге арналған - «Жаңа жұмыс орындарының атласы» жобасына (Ресей) жетекшілік етеді.
Дмитрий Стратегиялық бастамалар агенттігі (Ресей) Сарапшылар кеңесінің мүшесі және Халықаралық жобалау-зерттеу альянсының сарапшысы. Жобалау-зерттеу альянсы – бұл WorldSkills Russia жобасы, оның негізгі мақсаты оқыту және біліктілікті жоғарылату саласында зерттеу жобаларын әзірлеу.
САЯСАТ НҰРБЕК
Маршаллтаун (АҚШ) колледжін «Саясаттану» мамандығы бойынша, Л.Н.Гумилев атындағы Еуразия ұлттық университетін «Халықаралық құқық» мамандығы бойынша, La Sapienza Рим Университетін (Италия) геосаясат магистрі дәрежесімен, «Көкше» академиясын психология бакалавры дәрежесімен бітірген.
АҚШ-та, Сингапурда, Бельгияда, Жапонияда, Голландияда тағылымдамадан және біліктілікті жоғарылату курстарынан өткен.
2000-2001 жж. Айова штатының Үкіметінде (АҚШ) Марк Смиттің көмекшісі болып жұмыс істеді. 2002-2004 жж. Қазақстанның жастар саясатын іске асыруға белсенді түрде қатысты. 2006-2009 жж. «Қазына» тұрақты даму қоры» АҚ инвестициялық жобалар саласында жұмыс істеді, ҚР Президенті әкімшілігінде кадр саясаты секторының меңгерушісі, ҚР Президентінің жанындағы Мемлекеттік басқару академиясында халықаралық ынтымақтастық және ғылым жөніндегі Вице-ректор, «Самұрық-Қазына» ұлттық әл-ауқат қоры» АҚ департамент директоры, Кадрлық саясат және персоналды басқару жөніндегі атқарушы директор лауазымдарын атқарды. 2009 ж. ҚР Президентінің жанындағы Ұлттық мемлекеттік саясат мектебінің директоры болып тағайындалды. 2010 ж. қарашадан бастап 2013 ж. қыркүйек аралығында Білім және ғылым министрлігінің «Халықаралық бағдарламалар орталығы» АҚ Президенті болды. 2013-2015 жж. «Нұр Отан» партиясының қоғамдық саясат институтының» директоры болып жұмыс атқарды. 2015-2016 жж. Алматы қ. Ішкі саясат басқармасы бастығының м.а. болды. 2016 жылғы шілдеден бастап «Астана» халықаралық орталығында Басқарушы директор, басқарма мүшесі болып жұмыс істеді. Бүгінгі таңда BTS Education компаниясының директоры, Қазақстанның жаңа мамандықтар атласы жобасының жетекшісі, National Geographic Kazakhstan еркін ерік елшісі, Ұлттық қоғамдық сенім кеңесінің мүшесі болып табылады.
ҚР мемлекеттік марапаты – «Ерен еңбегі үшiн» медалімен, «Қазақстан астанасының 20 жылдығы» медалімен, «ҚР Тәуелсіздігіне 20 жыл» медалімен, Л.Н.Гумилев атындағы Еуразия ұлттық университеті заң факультетінің 15 жылдығына арналған мерейтойлық медальмен, Қазақ гуманитарлық заң Университетінің 20 жылдығына арналған «Құрмет белгісі» мерейтойлық медалімен, KATEV халықаралық қорының 20 жылдығына арналған мерейтойлық медальмен марапатталған. ҚР Президентінің, ҚР Премьер-министрінің алғыс хаттарының, «Нұр Отан» партиясы Төрағасының Бірінші орынбасарының алғыс хатының, АҚШ Білім беру және Мәдени Байланыстар Хатшысының алғыс хатының иегері.
Қазақ, орыс, ағылшын, түрік, итальян, испан, жапон және латын тілдерін меңгерген.
АХМЕТ ЕШИЛТЕПЕ
Ахмет Ешилтепе Түркияның жетекші тележурналистерінің бірі.
Жаңалық хабарларының көрермендерінен бөлек, оның қазіргі заман туралы және тарихи деректі фильмдері көрсетілетін телеарнада, сол сияқты хабар таратудың цифрлық платформаларында да кең аудториясы бар.
Білім беру бойынша хабар тарату саласында бакалавр және медиа-маркетинг саласында магистр дәрежесі бар. Ол өзінің еңбек жолын Түркияның мемлекеттік – TRT арнасынан бастаған.
Ахмет Ешилтепе Нью-Йоркте және Вашингтонда TRT, BBC Turkish және NTV арналарының өкілі болып жұмыс істеді.
Магистр дәрежесін АҚШ-та алып, ол Түркияның ең бірінші және қазіргі уақыттағы ең беделді «жаңалықтар арнасы» - NTV арнасына ауысты.
Шетелдегі тілші / өкіл ретінде жұмыс істеуден басқа, ол прайм-таймда жаңалықтар шығарылымын жүргізді, NTV жаңалықтарының басты шығарылымы, Ірі план, Төңкерілген бұрыш, «Жер сағаты» және «Әлемдік жаңалықтар» бағдарламалары сияқты көптеген бағдарламалар дайындайды.
Ахмет Ешилтепе тарих, өнер тарихы және археология бойынша үлкен қызығушылық тудырған деректі фильмдер түсіркендіктен цифрлық және радиохабар тарату компаниясының брендтерінде (Doğuş Broadcasting Group радиостанциясылары хабарларының бас үйлестірушісі және ntvmsnbc бас редакторы) менеджер болып жұмыс істеді.
Әсіресе соңғы жылдары оның Қиыр Шығыс мәдениеті және оның Түркиямен байланысы туралы деректі фильмдері өте жоғары рейтингтік көреткіштерге жетті және көптеген марапаттарға ие болды.
Ахмет Ешилтепе «Уақыт бойынша саяхат», «Түріктердің ізімен», «Мұражайға бару», «Әлемдегі аса ірі мұражай – Түркия», «Түркия тәуелсіздігі үшін күрестің күнделіктері» және басқа көптеген телешоу мен бағдарламалар дайындап, көрермендерге ұсынды.
Сонымен қатар көп жылдар бойы NTV радиосында «Вавилон мұнарасы» атты деректі бағдарлама жүргізілді.
Оның мақалалары NTV басылымдары шығарған көптеген кітаптар мен журналдарда жарияланды. Түркия журналистерінің қауымдастығы (Седат Симави сыйлығы), CGD, TYB, Біріккен Ұлттар Ұйымы журналистерінің қауымдастығы сияқты ұйымдардың марапаттарын алды.
Бұдан басқа, Исмаил Гаспирали атындағы марапатқа ие болды –Түркі әлемінің журналистика саласындағы сыйлығының лауреаты, Халықаралық түрік академиясы сыйлығының және TASAM «Қызыл алма» сыйлығының лауреаты.
Ахмет Ешилтепе қазіргі уақытта NTV арнасында шетел жаңалықтары бөлімінің басшысы болып жұмыс атқарады.
Бексұлтан Қазыбек
Бексұлтан JKS Entertainment медиакомпаниясының негізін қалаушы; digital продюсер және медиа-жаттықтырушы болып жұмыс істейді. Оның жарнама құралдарына жетекшілік етуде және ықпал ету агенттерінің маркетингінде мол тәжірибесі бар.7 жыл бойы Jokeasses атты танымал Instagram және YouTube командаларының мүшесі болып келді. 2016 жылы команда YouTube-тің Күміс батырмасын иеленді және бүгінгі таңда әлеуметтік желілердегі оның аудиториясының саны көп.
Қазіргі уақытта Бексұлтан әлемдегі үздік TikTok-үйлердің: BIP House (15,8 млн) және YOLO House (16,7 млн) продюсері болып табылады, олар 2020 жылы TikTok әлеміне серпін берді және үздіксіз дамуын жалғастыруда. 2020 жылы BIP-үй Nickelodeon Kids Choice Awards сыйлығының лауреаты болды.
TikTok-үйден басқа, JKS Entertainment медиакомпаниясының түрлі платформаларда ықпал ету агенттері бар. Олардың бірі – YouTube-те 5,5 миллион жазылушысы бар Аминка Витаминка. Ықпал ету агенттері саласындағы ірі брендтермен ынтымқтастықта жұмыс жүргізіліп, басшылық жүзеге асырылады.
Күнделікті көптеген контент шығарылып отырады.
Анастасия Новикова
Өзінің кәсіби еңбек жолын Анастасия Әл-Фараби атындағы Қазақ мемлекеттік университетінің бірінші курс студенті болып жүрген кезінен бастады. Оның бұқаралық ақпарат құралдарында барлық деңгейде және барлық салалар бойынша жұмыс істеу тәжірибесі бар. Басылымның пайда алуы мен оның танымалдылығын арттыруды бағдар етеді. Мультимедиа саласындағы заманауи үрдістерді біледі, Қазақстандағы және одан тысқарыдағы саяси және экономикалық ахуалға қаысты объективті түсінігі бар. Қазақстан Республикасында және Америка Құрама Штаттарында әр жылдары біліктілік жоғарылату бойынша түрлі курстардан өткен. Бірқатар кәсіби сыйлықтар мен марапаттардың иегері. Forbes.kz сайтының бас редакторы болған.
Стивен КОУЛ
Стивен Коул телеарна саласындағы танымал тұлғаларының бірі болып саналады. Ол төрт халықаралық ақпараттық арнаның ашылуына басшылық жасады, Sky News –ты ашушы топ құрамында болып және BBC World -тың қайта ашылуына қатысты. Жеті жыл бойы әлемнің 28 еліне таратылған Click Online атты алғашқы IT -шоуды өмірге әкелді. Президенттер мен премьер -министрлер, кино жұлдыздары және басқа да атақты адамдармен сұхбаттасқан. Ол Корольдік телевизиялық қоғам және Британдық кино және теледидар академиясының (BAFTA) марапаттарын тағайындаушы қазылар алқасының тұрақты мүшесі.
Райан ЧИЛКОТ
Райан Чилкот – марапаттарға ие болған тележүргізуші, баяндамашы және журналист. PBS NewsHour арнайы тілшісі болып табылатын Чилкот сонымен бірге репортаж жүргізу, бейнефильм өндірісі мен деректі фильм түсіру және БАҚ үшін тренингтер әзірлеу бойынша жұмыс істейді. Өзінің продюсерлік компаниясын құрғанға дейін Райан Bloomberg телеарнасында бизнес-тілші, жүргізуші және CNN халықаралық тілшісі болып жұмыс атқарды. Чилкот сонымен қатар әлемдегі ең белгілі жүргізуші және модератор болып табылады, ол теледидар мен Интернетте, Нью-Йорк қор биржасында, Давостағы (Швейцария) Дүниежүзілік экономикалық форумда, Астанадағы Қазақстан энергетикалық аптасында ондаған пікірталастарды өткізді және ірі іс-шаралардың барлығына дерлік қатысты. Соңғы ширек ғасыр ішінде Чилкот жалпы және іскерлік жаңалықтарға арналған репортаждар көрсетті, жоғары басшылардың жиналысы кезінде Ресей президенті Владимир Путинмен әңгімелесуде модератор ретінде болып, ойлы әрі қызықты талқылау жүргізілуін қамтамасыз етті. Соңғы уақытта Чилкот пандемия және оның экономикалық салдары, Brexit, G20, G7/8, жаһандық сауда-саттық, НАТО, Ресей мен Иранға қатысты енгізілген санкция режимдері, Еуропадағы борыштық дағдарыс, климаттың өзгеруі, ОПЕК және мұнай нарығы, энергетикалық компаниялар, қаржылық қызметтер көрсету және қаржылық технологиялар, киберқауіпсіздік, технологиялар және автомобиль секторы сияқты әлемдегі кейбір іскерлік, экономикалық және саяси оқиғаларға назарын тікті. Журналистикада қызмет атқарған 25 жылдың ішінде Райан жүздеген репортаждар жүргізіп, мыңнан аса сұхбат өткізді. Чилкот 2007-2016 жылдары Bloomberg Television телеарнасында жүргінші халықаралық тілші және жүргізуші болып, Еуопадағы, Таяу Шығыс пен Африкадағы оқиғаларды айғақтады. Чилкот сонымен бірге марапаттармен аталып өтілген, әлемнің аса ірі елдеріндегі өмір туралы «Ryan’s Russia» («Райанның Ресейі») телесериалын ұсынды, бір топ деректі фильмдер түсірді. Bloomberg Television телеарнасында жұмыс істеу үшін Лондонға қоныс аударғанға дейін, Райан CNN тілшісі ретінде Мәскеуде 12 жыл жұмыс істеп, Ресей, бұрынғы Кеңес Одағы, Ирак пен Ауғанстандағы соғыс, сол сияқты Дарфурдегі дағдарыс пен Оңтүстік Судандағы бейбітшілікке апаратын жол жөнінде жаңалықтар ұсынды. Тілшілік қызметі оған Эмми номинациясы мен көптеген басқа да марапттар әперді.
Риз ХАН
Риз Хан сияқты алуан түрлі мәселелер бойынша бүкіл әлемге белгілі тұлғалармен қызықты да жанды сұхбаттар жүргізудің сәті түскен журналистер әлемде өте аз. Әлемдік БАҚ-тарда жұмыс атқарған 25 жыл ішінде жинақталған сенім мен беделі оған кез келген континенттегі басты ньюсмейкерлерге қолжетімділікті қамтамасыз етті.
Ол Би-би-си мейнстрим-жаңалықтарын жүргізген және 1991 жылғы қарашада «Би-би-си уорлд» телеарнасының бірінші жаңалықтар хабарының бірлескен жүргізушісі болған алғашқы Оңтүстік Азия журналисі, бұл жұмысы Ханды қоғамда мойындатып, танымал етті.
1993 жылы Риз «Си-эн-эн интернэшнл» арнасына жаңалықтар қызметінің бірлескен жүргізушісі ретінде ауысқан кезінде, оның танымалдығы одан сайын артты. 1996 жылы ол CNN арнасында «Риз Ханмен бірге сұрақтар мен жауаптар» атты өзінің басты хабарын бастады, бұл хабардың қонақтары мемлекет басшылары мен алуан түрлі салалардағы атақты адамдар болды және әлемнің барлық аймақтарындағы көрермендер тікелей эфирде өз сұрақтарын қоя алды. 1998 жылы Хан Меккеге қажылық ету туралы теңдессіз репортаждарымен тарихқа енді, бұл хабарлары журналистік марапаттарға ие болды.
2005 жылы Риз бүкіл әлемде танылған ағылшын тілді «Әл-Жазира» телеарнасының директоры-құрылтайшысы болды, онда ол «Риз Хан» және «Риз Ханмен бетпе-бет» авторлық хабарларын жүргізеді.
2013 жылы Риз сол сияқты Еуропа, Таяу Шығыс және Африка елдеріне хабар тарататын «Блумберг ТВ Африка» жаңа телеарнасында «Риз Ханмен бірге сұрақтар мен жауаптар» апталық тақырыптық хабарын бастады.
Оның Сауд ханзадасы, әлемдегі аса бай адамдардың бірі және АҚШ экономикасының аса ірі шетелдік инвесторы Аль-Валиде бин Талал туралы жазған «Аль-Валид – бизнесмен, миллиардер, ханзада» атты әділ өмірбаяндық кітабы (2005) бестселлерге айналып, марапатқа ие болды. 2012 жылы Хан Интернетте халықаралық жаңалықтар индустриясына пародия болып табылатын «Біз хабарымызды үземіз ...» атты өзінің алғашқы романын жариялады. Оның сатылымынан түскен кіріс бүкіл әлемдегі кедей елді мекендерде балалар кітапханаларын салумен айналысатын қайырымдылық қорына жіберілді.
Шебер спикер және модератор ретіндегі көп жылғы жұмысы Ризді Дүниежүзілік экономикалық форум мен БҰҰ конференциялары сияқты беделді әлемдік алаңдарда, сонымен қатар трансұлттық компаниялардың жоғары дәрежелі корпоративтік іс-шараларында сұранысқа ие етті.
Әлемдік жаңалықтар индустриясының бел ортасындағы қызметі мен серпінді де тиімді жұмысы Риз Ханды медиа әлеміндегі ең танымал және құрметке ие тұлғалардың бірі етті.
Кёрт ван Менсворт
Доктор Кёрт ван Менсворт – өзінің Next Nature философиялық тұжырымдамасымен танымал болған суретші және философ, бұл тұжырымдама біздің технологиялық ортамыздың күрделі, барлық жерде және автономды екендігі сонша, оны өз алдына бөлек орта ретінде қабылдаған жөн деген идеяға негізделген. Оның мақсаты – біздің технологиялармен коэволюциялық қарым-қатынастарымызды жақсырақ түсіну және адамзатқа да, сол сияқты жалпы планетамызға да пайда әкелетін болашаққа жол салуға көмектесу.
Ван Менсвоорт өзінің еңбек жолын сексенінші жылдардың аяғында, бүгінде біраз жасқа келіп отырған зерек балалардың бірінші ұрпағына арналған бейнеойындар жасаудан бастаған. Тоқсаныншы жылдары ол информатиканы, философия мен өнерді зерделеуін жалғастырды. Эйндховен Технологиялық университетінде компьютерлік ойындар магистрі дәрежесін (1997ж.), Сандберг институтында сыртқы істер магистрі дәрежесін, Амстердамда Ритвельд академиясының магистрі дәрежесін (2000 ж.) және Эйндховен Технологиялық университетінде өнеркәсіптік дизайн саласында ғылым докторы дәрежесін (2009 ж.) алған.
Кёрт ван Менсвоорт – өнер, ғылым және технологиялар тоғысындағы зерттеу мен көрме ұйымдастырудың болашағына бағдарланған Next Nature Network-тің креативті директоры. Ол жаңа технологиялардың қоғамға әсерін зерттеп, көрсетумен айналысады. Біз үлкен және кең аудиторияны қамтимыз және жігерлендіреміз, пікірталастарға ынталандырамыз және адам, табиғат және технологиялар арасындағы теңгерімге ықпал ететін (ете алатын) пәндерді біріктіреміз.
Евгений Черешнев
Евгений – жасанды интеллект, деректерді басқару, құпиялылықты басқару және киберқауіпсіздік саласындағы белгілі әлемдік сарапшылардың бірі. Осы салалар бойынша көптеген халықаралық патенттердің иесі және адамның жеке өмірі және бейесімділікке құқығын қорғаушы ретінде беделі бар. Евгений – TED және TEDx қызметтік тізімі бар нағыз көреген. Ол өзінің бірінші бағдарламасын 7 жасында жазған. Бірінші компьютерін 14 жасында құрастырған. 30 жылдан бері АТ-индустриясында әртүрлі лауазымдарды атқарып келеді. Оның стартаптарда, ірі кәсіпорындарда басшылық ету тәжірибесі бар: Евгений киберқауіпсіздік бойынша әлемдегі аса ірі жеке компания болып табылатын «Касперский зертханасының» мобильді бизнес жөніндегі бұрынғы директоры және деректерді басқару, жасанды интеллект, құпиялылықты басқару және болжамдық талдау бойынша британиялық табысты стартап - Biolink.Tech басқармасының төрағасы болып табылады. 2015 жылы Евгений алғашқы «кәсіби киборг» болды – ол ғылыми-зерттеу мақсаттарында өзіне криптобиочип импланттап, болашақ ұрпақтар үшін үлкен деректер мен құпиялылықты басқарудың салдарын зерделеуге талпынды. Өйткені бүгіндері 9 жастағы балаларымыз өздерін Интернетсіз әлемде елестете алмайды.
Ержан Салтыбаев
1980 жылғы 5 тамызда дүниеге келген.
Қазіргі қызметінде геосаясат, жаһандық экономикалық зерттеулер, ішкі саясат және стратегиялық болжау саласындағы зерттеу бағдарламаларын басқарады.
2017 жылдан бастап Орталық Азиядағы жаһандық мәселелер бойынша ең ірі іс-шара - Астана клубының басты ұйымдастырушыларының бірі болды. Клуб бұрынғы мемлекет және үкімет басшыларын, танымал сарапшылар мен бизнес көшбасшыларын біріктіретін беделді алаңға айналды.
2015-2017 жылдары Қазақстан Республикасының Тұңғыш Президенті Кітапханасы Талдау орталығының Геосаясат және өңірлік зерттеулер бөлімін басқарды.
2010-2015 жылдары Қауіпсіздік Кеңесі Талдау бөлімінің басшысы қызметін атқарды.
2007-2010 жылдары Қазақстан Президенті Әкімшілігінде жұмыс атқарды.
Қазақ мемлекеттік заң академиясын бітірген. Джорджтаун университетінің Халықаралық құқық магистрі (2006). Сонымен қатар, Гарвард университетінің Джон Ф. Кеннеди атындағы мемлекетті басқару мектебінде білім алды (2015).
Қазақстан Республикасы Сыртқы істер министрлігі қызметінің мәселелері жөніндегі Қоғамдық кеңестің мүшесі.
Тодд Баер
Тодд Баер Небраска штатының Университетінде білім алған. Қазіргі уақытта «Блумберг медиа груп» компаниясының Лондондағы аймақтық директоры болып табылады.
Өзінің журналистік қызметін жергілікті желілерде бастаған.
Миннесота штаты, Миннеаполисте KSTP-TV арнасында, Коннектикут штаты, Хартфордта WFSB-TV арнасында және Нью-Йоркте NY1 жаңалықтарында телерепортер болды.
KSTP-TV командасында жұмыс істеп жүргенінде Ирактағы оқиғалар кезінде қару-жарақ қоймасындағы қараусыз жарылғыш заттар туралы сенсациялық оқиға үшін әріптестерімен бірге беделді Эдвард Марроу сыйлығын жеңіп алды. KSTP-TV арнасындағы тікелей жүргізілген хабарлары мен жаңалықтар тарату бойынша командалық жұмысы үшін екі Эмми сыйлығының (аймақтық және ұлттық деңгейлердегі) лауреаты болды.
Тодтың қызметтік мансабындағы келесі кезең - халықаралық деңгейде жұмыс атқару. Ол Үндістанда, Таяу Шығыста, Ауғанстанда, Гаитиде, АҚШ-та «Әл-Жазира» арнасының ағылшын тілді нұсқасының тілшісі болды, Құрама Штаттарда CNN және ABC үшін репортаждар жасады.
«Блумберг» компаниясында жұмыс істеуін Баер Делиде Халықаралық журналистика рыцарлық орталығының стипендиаты болып жүрген кезінде-ақ бастаған. Компанияның Гонконгтегі продюсері болды, Моңғолиядағы «Блумберг ТВ» филиалына жетекшілік етіп, Моңғолия үкіметінің «Темірқазық» орденімен марапатталды. Тодд сонымен қатар компанияның Индонезиядағы және Канададағы филиалдарын құруға атсалысты. Лондонға көшіп келгенге дейін Мехикода «Америкас» желісінің атқарушы продюсері ретінде жұмыс істеді. «Блумберг ТВ» компаниясының испан тілді филиалы «Эль Финансьероға» басшылық етті.
Халықаралық медиакәсіпкер ретінде Баер Пәкістанда «Dawn News», Үндістанда SAAM-Marathi және Кенияда К 24 телеарналарын іске қосты
Тереза Рибейру
Терезаның саясатта, дипломатияда, адам құқықтары мен бұқаралық ақпарат құралдарында үлкен тәжірибесі бар.
Ол Португалия Сыртқы істер министрлігінде сыртқы істер және ынтымақтастық жөніндегі мемлекеттік хатшы, сонымен бірге адам құқықтары жөніндегі ұлттық комиссияның президенті болды. Ол Португалия Сыртқы істер министрлігінде еуропалық істер жөніндегі мемлекеттік хатшы және Жерорта теңізі одағы бас хатшысының орынбасары болып жұмыс істеді. Онда ЕО институттары және мүше мемлекеттермен сондай-ақ олардың жақын көршілерімен жұмыс істеуде үлкен тәжірибе жинады. Тереза Рибейро Португалияда, халықаралық ұйымдарда да бұқаралық ақпарат құралдары саласында түрлі қызмет атқарды. Мысалы, Португалия бұқаралық ақпарат құралы институтының президенті, Еуропалық кеңестің БАҚ басқарушы комитетінің жетекшісі, «Оберком» (OberCom- Observatório da Comunicação) медиа обсерваториясының тең құрылтайшысы және бірінші төрағасы болып сайланды.
Танмай Бакши
17 жасар вундеркинд Канададан келген. Мектепті сырттай тәмамдаған. TED спикері, Google машиналық оқыту сарапшысы, IBM бойынша кеңесші инженер –программист, Токиодағы iUniversity-дің профессоры, бестселлер авторы, медиа-тұлға және бейне блогер. 5 жасында әкесінің ноутбугі оның код жазуға деген қабілетін оятты. Ал 9 жасында ол өзінің алғашқы iOS қосымшасын App Store дүкеніне шығарып, Канададағы ең жас қосымша жасаушы болды. 2013 жылы «Торонто Стар» басылымының бағалауы бойынша «Жыл ньюсмейкері» атағын алды. Соңғы сегіз жыл ішінде ол 30 –дан астам елде болып, БҰҰ, Apple, Walmart, Microsoft, KPMG, Linux Foundation және Amazon компанияларының 250 000–нан астам басшылары, әзірлеушілер мен студенттеріне жасанды интеллект туралы ақиқат және оның маңыздылығы, технологиялардың қолжетімділігі сияқты тақырыптар бойынша сөз сөйледі.
Танмайдың жаңа буын технологиясы туралы білімі ән жазуға арналған қосымшаларда қолданылып, қоңырауларды бұрынғыдан да тез қадағлауға мүмкіндік туғызды, ЭКГ көмегімен адамдарды жүрек соғысы арқылы тану және де ЭЭГ –і арқылы психикалық күйді анықтау ол ашқан жаңалықтардың бірнешеуі ғана.
Таня Айдрус
Таня Айдрус – Пәкістан премьер-министрінің бұрынғы кеңесшісі, ол елді цифрландыру бойынша ілгерілетуге белсенді атсалысты. Ұлттық командалық-оперативтік орталық (NCOC) шеңберінде Пәкістанда Covid-19 бойынша деректер негізінде ден қою стратегиясын қамтамасыз етуде басты рөл атқарды. Бұған дейін Google компаниясында төлемдер жөніндегі экс-директор болды, оның басшылығымен Оңтүстік Азияның (Бангладеш, Пәкістан, Шри-Ланка) шекаралық нарықтарында компанияның кеңселері ашылды. Кейіннен Айрус оларды елдік бөлімшенің басшысы ретінде басқарды.
Сергей Становкин
Сергей Становкин - ұлттық және өңірлік үкіметтерге, сондай-ақ жеке және мемлекеттік кәсіпорындарға бұқаралық ақпарат құралдарымен өзара іс-қимыл мәселелері бойынша ұсынымдар берудің ұлттық және шетелдік телехабар тарату компанияларына кеңес беруде 20 жылдан аса тәжірибесі бар медиа-кеңесші.
2006 жылғы қаңтарда Ресейдегі BBC World News коммерциялық өкілдігінің Басшысы лауазымына тағайындалды.
2012 жылы Әзірбайжан, Армения, Беларусь, Эстония, Грузия, Қазақстан, Қырғызстан, Латвия, Молдова, Ресей, Литва, Тәжікстан, Түркіменстан, Украина және Өзбекстандағы BBC Worldwide коммерциялық өкілдіктерінің Басшысы болып тағайындалды. 2015 жылы бұл тізімге Иран қосылды.
Халықаралық БАҚ саласындағы сарапшы ретінде жылына екі рет "Стратегиялық коммуникациялар" және "Заманауи БАҚ" оқу курстарын ұйымдастырады. Алғашқы семинар 2009 жылы Лондондағы Би-Би-си Академиясында ұйымдастырылып өтті. Ал 2010 жылдан бастап ол семинарлар мен дәрістерді Армения, Әзірбайжан, Беларусь, Қытай, Грузия, Германия, Франция, Қазақстан, Ресей, Оңтүстік Корея, Өзбекстанда өткізіп келеді.
Салах Халил
Салах Халил - 21 ғасырда білім алуға, жұмысқа орналасуға, болашақ жұмыс пен біліктілік тапшылығына алаңдаушылықпен қарайтын әлеуметтік кәсіпкер.
Ол Ұлыбританияда адамның интеллектін сақтау үшін құрылған «Macat International Limited» бірегей компаниясының негізін қалаушы. Macat компаниясы сыни ойлау дағдыларын өлшеу және дамыту үшін жұмыс істейді. Компания сын тұрғысынан ойлауды проблемаларды шешу, талдау, шығармашылық ойлау, интерпретация, бағалау мен пайымдау немесе PACIER дағдыларының бірі ретінде анықтайды.
Салах Халил сонымен қатар араб аймағында әлемдік деңгейде білім беруді қалпына келтіруге бағытталған The Alexandria Trust ұйымының негізін қалаушы. Аталмыш қайырымдылық қоры аймақтың қажеттіліктерін қанағаттандыратын инновациялық жобаларды қолдайды және білім беру үрдісін дамыту бойынша өзгерістер енгізуге мүмкіндігі бар. Бұл жұмыстың негізінде оның араб әлемінің жаңа дәуіріне деген көзқарасы жатыр. Оны іске асыруда ол саяси реформадағы және институционалдық өзгерістердегі мол тәжірибесіне сүйенеді.
Ол Египет саясатында белсенді рөл атқарды, содан кейін Вестминстер қорында демократияны қолдауға жұмыс істеді. Лондондық экономика және саясаттану мектебінде саяси әлеуметтану бойынша магистр дәрежесін алды.
Руслан Юсуфов
Руслан-ресейлік және халықаралық БАҚ-тағы көптеген зерттеулер мен публикациялардың авторы, мамандандырылған салалық іс-шаралар шеңберіндегі тұрақты спикер. Руслан әлемнің 8 елінде өткен 200 аса іс-шарада тыңдаушылардың зор ықылас - құрметіне ие болған.
MINSMITH компаниясы құрылғанға дейін Руслан жоғары технологиялар саласындағы киберқылмыстар мен алаяқтықтың алдын алу және тергеу саласындағы халықаралық жетекші компаниялардың бірінде жобаларды басқарды. Оған жүктелген міндеттердің шеңбері жеке клиенттер мен отбасылық кеңселердің киберқауіпсіздігін қамтамасыз ету, блокчейн, сондай-ақ, білім беру және әлеуметтік жобаларды қорғауға арналған тиімді шешімдер әзірлеуді қарастырды.
Аудиторлық және консалтингтік қызметтер көрсететін трансұлттық ауқымдағы ірі ұйымдар тобының қатарына кіретін, әлемдегі жетекші компаниялардың бірі - Big-4 жұмыс істеген Руслан заң саласында бай тәжірибеге ие.
Пертту Пёлёнен
Пертту Пёлёнен өнертапқыш, автор, композитор, негізгі баяндамашы, футуролог және көреген азамат ретінде жақсы танымалы. Фин бұқаралық ақпарат құралдары Перттуны жұмсақ интеллектуал және қорықпайтын өнертапқыш деп атайды. Өзі болса таныстыру кезінде қызметі мен атақтарын пайдалғанды қаламайды. Оның талантының көптігі соншалық әдеттегі шеңберге сиғызу қиын.
Білімі бойынша композитор, бірақ жас кезінде кәсіпкер болған. Пертту Калифорнияда Эмес НАСА атандығы зерттеу орталығында орналасқан Singularity университетінде оқыды. Ол Калифорнияда жүргенде дамып келе жатқан елдердің білім беру секторына AR қосымшаларын әзірлейтін 360ed коммерциялық емес ұйымының негізін қалады. Компания Мьянмада орналасқан және жұмыс істейді.
MusiClock - Перттудың жеке өнертабысы. Ол халықаралық деңгейде танылған және патенттелген өнертабысқа айналды. Оның жасаған бұл қосымшасы Еуропадағы ең ірі ғылыми жәрмеңке Еуропалық Одақтың жас ғалымдар байқауында жеңіске жетті. MusiClock 10 -нан астам елдегі №1 музыкалық қосымшаға айналды.
2014 жылы Пертту Slush байқауының «ең креативті фині» атанды, ал 2018 жылы MIT Tech Review оны Еуропадағы 35 жасқа дейінгі 35 инноватордың тізіміне қосты. Пертту екі кітап жазды: Болашақтың дағдылары (Future Skills) (2020) және Болашақ сәйкестендіру (Future Identities) (2021). Пертту шабыттандырушы ойшыл ретінде белгілі. Ол болашақта адамның дағдылары мен құндылықтары технологиялық прогрестің жетістіктерін теңестіретіне сенімді.
Ольга Шаратута
Ресей, Еуропа және Азияда әлеуметтік және әлеуметтік бағдарланған маркетинг саласындағы трендсеттер.
2018 жылдан бастап Ресейдегі алғашқы әлеуметтік бағдарланған маркетинг агенттігі RedMe тұжырымының авторы және басшысы (1998 жылы құрылған RCG компаниялар тобына кіреді).
Ресейлік Todogood әлеуметтік өзгерістер платформасында коммуникациялар жөніндегі сарапшы, Todogood-тің жыл сайынғы «Ең көп сұранысқа ие интеллектуалды ерікті» сыйлығының финалисі (2018), Ресейдегі «Соль» әлеуметтік инновациялар көшбасшылары байқауының жеңімпазы (2021).
Маркетинг және коммуникациялар саласында 12 жыл тәжірибесі бар, жеті жылдан аса RCG компаниялар тобында бизнесті дамытты.
RedMe-мен бірге әлеуметтік маңызды әсері өлшенетін жобалар әзірлеумен және оларды іске асырумен айналысады. RedMe миссиясы Ольга Шаратутаның жеке миссиясына - бизнес пен КЕҰ үшін WIN-WIN шешімдері арқылы қоғамды анағұрлым әлеуметтік бейімделген және салауатты етуге негізделген.
RedMe агентттігі негізгі бизнес-қызмет ретінде әлеуметтік бағдарланған маркетингке маманданған Ресейдегі алғашқы агенттік болып табылады.
Агенттік әлеуметтік бағдарланған науқандар, корпоративтік еріктілік және маркетингтік коммуникациялар саласында ресейлік және халықаралық коммерциялық емес ұйымдармен, әлеуметтік кәсіпкерлермен, халықаралық және федералдық коммерциялық брендтермен ынтымақтастықта жұмыс істейді, сол сияқты бизнесті әлеуметтік ынтыландыруды дамытады.
Әртүрлі фестиваль мен байқауларда 75-тен аса марапаттарды иеленген: Epica, Effie Russia Awards, Red Apple, White Square, ADCR Awards, MIXX Russia Awards, Silver Mercury, G8, “Серебряный лучник”, “Коммерсантъ Инициативы” сыйлығы, "Ресейдің үздік әлеуметтік жобалары" сыйлығы. Effie Russia Awards 2019-2020 (Positive Change блогы), White Square 2019 (“Әлеуметтік жарнама” санаты), Silver Mercury 2019, G8 2019, Ad Stars 2020, ADCR Awards 2020 қазылар алқасының мүшесі.
Қазіргі уақытта авторлық әдіснама бойынша коммерциялық, коммерциялық емес ұйымдар мен әлеуметтік кәсіпкерлер үшін коммуникациялық стратегиялар әзірлеу бойынша білім беру курсын әзірлеумен айналысады.
Назанин Алакиджа
Ол 2018 жылы климаттың өзгеруі бойынша алдыңғы қатардағы елдерде жасыл экономиканы дамытуға арналған «Social Accelerator for A Green Economy» (SAGE) («Жасыл экономика үшін әлеуметтік акселератор») коммерциялық емес инновациялық орталығының негізін қалады.
ЮНИСЕФ сияқты негізгі ұйымдармен ынтымақтастық орнатқан. Оның мақсатшылдығы арқасында Иранның Кохгилуй және Бойрахмед қалаларында қыздар мектебі салынды, бұл білімді әйелдер қауымдастығын қалыптастыру және тұрақты түрде дамыту мақсатында жасалған. Ол сонымен қатар Нигерияның солтүстік-шығысында пандемия кезінде 4000 қызға қауіпсіз білім беретін орта мектепті қайта салды.
Ол өз қызметінің ауқымын кеңейтуге мүдделі Bloomberg пен Qatar Media City сияқты бірқатар негізгі құрылымдардың өкілі және кеңесшісі.
Михаил Фаворов
Ол қазіргі заманғы атақты эпидемиологтардың бірі, инфекционист, медицина ғылымдарының докторы. 40 жыл өмірін әлемнің түрлі аймақтарындағы жұқпалы ауруларды зерттеуге және алдын алуға арнады. 1991 жылдан АҚШ-тағы CDC-те жұмыс істеді. 2009–2014 жылдары Сеулдегі Халықаралық вакцинация институтында бас директордың ғылым жөніндегі орынбасары қызметін атқарды. Михаил Е вирусты гепатитің эпидемиологиясын, клиникасын және нәтижелерін сипаттады, Е гепатитін диагностикалау мен емдеу әдістерін әзірледі және енгізді. Ол іш сүзегіне, папиллома вирусқа, тырысқаққа, тұмауға, пневмокок пен менингокок инфекциясы, БЦЖ және т.б. вакцинациялау бағдарламаларын енгізуге қатысты. Ол жасаған еңбектер қатарында DOTS туберкулез терапиясының принциптерін бейімдеу мен енгізу және жаңа туылған нәрестелерге В вирусты гепатитіне қарсы егудің әмбебап бағдарламасы да бар. Қазіргі уақытта АҚШ-та өзі негізіне қалаған DiaPrep System Inc мекемесін басқарады.
Мэттью Пай
Он жылдан астам уақыт бойы ол климаттың өзгеруіне назар аудара отырып, тұрақты даму саласындағы жетекші ғалымдармен жұмыс жасады. Атап айтқанда ол 2011 жылы Майкл Уодлимен («Оскар» сыйлығының лауреаты, «Вудсток» реж. (1970)) және Биргит ван Мюнстер (IPPC сарапшы) бірге Климат академиясын құрды. Дарынды және талантты студенттерді климаттың өзгеруінің ғылыми және әлеуметтік шындығына үйретудегі бұл инновациялық қызмет 2016 жылы Рим клубына (ЕО басшысы) толық мүшелікке қабылдау түрінде мойындалды. Мэттью еуропалық мектептерге арналған философия бойынша (2019) жаңа оқу бағдарламасының қосалқы авторы болды. Ол өзінің «Plato Tackles Climate Change» (2020) атты соңғы кітабында жобасын барлығына қолжетімді етті.
Марта Пейрано
Марта Пейрано - танымал испан журналисті және зерттеушісі. Очерктер мен мақалалар жазады, ElPais, Eldiario.es және LaSexta сияқты басылымдарда еркін таратылатын бағдарламалық жасақтама және танымал мәдениеттің технологиялары мен цифрлық өнер мәселелері жөніндегі шолушы ретінде жұмыс істейді. RNE (ұлттық радиосында) апталық айдарды жүргізеді.
ADN газетінің негізін қалаушы, Eldiario.es сайтын тізгіндеген, "Мәдениет" және "Технологиялар" бөлімдерін басқарды, оның қаламынан туындаған мақалалар MuyInteresante журналының беттерінде де жарияланған.
Оның «Маленькая красная книга сетевого активиста» ("TheLittleRedBookoftheNetworkActivist") (8-ші басылымы) деген жұмысы - алғы сөзі Эдвард Сноуденмен жазылған әлемдегі алғашқы кітап саналады. Аталмыш кітап - криптография бойынша журналистерге, бұқаралық ақпарат көздері мен құралдарына арналған эссе - нұсқаулық болып табылады.
Оның 2019 жылы жарық көрген «Враг знает систему» ("TheEnemyKnowstheSystem") атты еңбегі бірден бестселлерге айналды, өйткені ол ақпараттық саладағы өзекті сұрақтың бірі - платформалық капитализм және оның медиа экожүйеге әсері және желілік саяси науқандар, тәуелділікті тудыратын технологиялық компаниялар неге тыңшылық жасап, біздің іс-әрекеттерімізді басқарады деген сұрақтарды нақтылап, жауап іздеуге арналған.
Ксения Собчак
Жүргізуші ретінде Ксения Собчак Бірінші арнадағы «Соңғы батыр» және «Док-Ток» және “Дождь” арнасындағы «Собчак живьем» бағдарламаларымен танымал. Осы жылдар ішінде ол SNC және L'Officiel журналдарының бас редакторы, сонымен қатар «Супер» телеарнаның бас продюсері қызметтерін атқарды. 2018 жылы - Ресей Федерациясының президенттігіне үміткер.
2019 жылдан бастап ол #ОсторожноСобчак YouTube каналының жүргізушісі және авторы (2 миллионнан астам жазылман бар), онда сұхбаттар мен деректі фильмдер жариялайды. 2021 жылдың жазында деректі фильмдердің бірін көрсету құқығын Netflix стримдік платформасы сатып алды.
Кьелл Штайн
Кьелл - 20 жылға жуық уақыт бойы БАҚ халықаралық сату аясында жұмыс істеп келе жатқан коммуникация саласындағы тәжірибелі маман. 2013 жылдан бастап Германиядағы «Euronews» коммерциялық кеңсесін басқарады. Халықаралық сату жөніндегі директор ретінде ол әлемнің әр елінен және қоғамның барлық деңгейлеріндегі адамдармен үнемі кездесіп, қазіргі әлемдегі бұқаралық ақпарат құралдарының маңызды рөлін біледі. Еуропалық зерттеулер саласында, сондай-ақ Іскерлік басқару магистрінің (MBA) дәрежесі бар.
Кадду Себуня
Кадду Киве Себуня 2016 жылдан Африканың жабайы табиғат қорының (AWF) президенті, 2019 жылдың қаңтарынан бастап бас директоры болды. 20 жылдан астам жергілікті, ұлттық және аймақтық табиғатты қорғау бағытында АҚШ, Африка және Еуропада еңбек етті. Оның қазіргі миссиясы - Африканың болашақ ұрпақтары үшін жабайы табиғат пен жабайы жерлердің гүлденуін адамзат дамуының мәдени және экономикалық активі ретінде Африка туралы көзқарасты жетілдіру.
Кадду өзінің қызметінде континенттік деңгейде де, жаһандық деңгейде де Африка табиғат қорғаушыларының даусын қоғамға естірте алды. Африка құрлығындағы мемлекеттердің үкіметі және жеке сектор өкілдерімен көп секторлы қарым-қатынас арқылы табиғи ресурстарды сақтауға деген оң көзқарас қалыптастырды. Билік табиғатты қорғауға лайықты назар аудара бастады, ал нақты нәтижеге қол жеткізетін жұмыстар әлі алда.
Кадду Африканың табиғатты қорғау мәселелері туралы толық хабардар болу үшін Африка үкіметінің ірі іс -шараларына қатысады. Бизнестің, саясаттың, азаматтық қоғамның, халықаралық даму, білім көшбасшылары және жастармен жұмыс жасай отырып келешек ұрпақ үшін жаһандық табиғатты қорғау коалициясын құруда. Ол табиғатты қорғауды әлеуметтік-экономикалық, қауіпсіздік пен денсаулық мәселесі ретінде қарастырады.
Джо Ракстон
Джо Гонконгта алғаш болып Дүниежүзілік жабайы табиғат қорының (WWF) теңіз бағдарламасын бастады, сонымен бірге Гонконгтың алғашқы теңіз саябақтарының негізгі жақтаушысы болды. «Blue Planet» түсірілімінің алғашқы күндерінен бастап ол су асты эпизодтарының продюсері және режиссері болды. Ол сонымен қатар ВВС-дің табиғи тарих бөлімінің продюсері және мүшесі және BBC сүңгуір тобының жетекші мүшесі қызметін атқарған. 2008 жылы BBC фильмдерінде табиғатты қорғау туралы хабарламалардың жоқтығынан ол дербес жұмыс жасауға бет бұрып мұхиттағы пластмасса мәселесіне тоқталды. 2016 жылы Джо Netflix-те «A Plastic Ocean» («Пластикалық мұхит») атты фильмін шығарып, туынды сыншылардың оң бағасын алды және марапатқа ие болды. Фильмді жалғастыру сол арқылы мұхиттың кең ауқымды мәселелерін шешу үшін ол өз мүмкіндіктерін кеңейтуде. Мәселен «Ocean Generation» (мұхит ұрпағы) қайырымдылық қорын құрды.
Хироси Исигуро
Атақты жапон ғалымы, геминоидтарды, теленоидтарды және эльфоидтарды - адамның келбетін қайталайтын керемет әдемі роботтарды жасап шығарушы. Исигуро бір кездері фантастика саналаған идеяларды өмірде шындыққа айналдырып болашаққа үлкен үлес қосуда.
Хироси Исигуро 1991 жылы Жапонияның Осака университетінде жүйелік инженерия бойынша техника ғылымдарының докторы дәрежесін алды. Қазіргі уақытта ол Осака университетінің инженерлік өнер мектебінің жүйелік инновациялар кафедрасының профессоры (2009 жылдан) және Осака университетінің құрметті профессоры (2017 жылдан). Ол сонымен қатар озат телекоммуникацияларды ғылыми-зерттеу институтының «Hiroshi Ishiguro Laboratories» шақырылған директоры және оның ғылыми қызметкері. (2014 жылдан бастап) (топ жетекшісі: 2002-2013)
Оның ғылыми қызмет бағыты сенсорлық желілер, интерактивті робототехника және андроид зерттеулері. 2011 жылы Осаканың мәдени саладағы сыйлығын, 2015 жылы білім, мәдениет, спорт, ғылым және технология министрінен (MEXT) - ғылым және технология бойынша (зерттеу санаты) сыйлық алды. Ол сондай-ақ 2015 жылы Дубайда Мохаммед ибн Рашид Аль Мактум білім қорының сыйлығын алса, 2020 жылы Татэиси сыйлығына лайықты деп танылды.
Эмма Чью
Эмма Чиу Wunderman Thompson Intelligence - болашақ және инновация мәселелері жөніндегі агенттіктің ішкі талдамалық орталығын басқарады.
Ол клиенттерге мәдени және мінездік өзгерістерді, салалық инновацияларды және басым үрдістердің ілгерілеуін сапа және сандық түрғыдан түсінуге негізделген ұзақмерзімді стратегиялар құру бойынша консультациялар береді.
Оның клиенттерінің арасында - Microsoft, Shiseido, Unilever, Samsung және Nestle бар.
Эмманың ойлау тұрғысынан көрегендігі мен көсемдігі әлемдік басылымдарда қолдау тауып, The Telegraph, New York Magazine және Vogue беттерінде таныстырылды. Ол WARC Awards және Creativepool 2020 сыйлығының қазылар алқасының мүшесі болып табылады. Бұдан басқа, Эмма SXSW Interactive, Adobe Max конференциялары мен Pause Fest фестивалін қоса, халықаралық конференцияларда үнемі сөз сөйлеп жүр.
Клементин Мальпас
Ол өзінің еңбек жолының басым бөлігін қақтығыстар мен соғыстарды бастан кешіріп отырған елдерде өткізіп, шығармаларын өмірі түбегейлі өзгеріске ұшыраған тағдырлардың тарихы жайлы жазуға арнады. Ол өзінің Ауғанстандағы әйелдер түрмесі туралы фильмінің арқасында жазықсыз екі нәзік жан иесінің бостандыққа қол жеткізуіне жәрдемдесті. Олардың бірі зорлауға байланысты түрмеге жабылған болатын, Клементиннің араласуының арқасында ол Президенттік кешірімге ие болды.
TigerNestFilms компаниясының негізін қалаушы ретінде Клементин NetFlix, CNN, PBS, AlJazeera және Channel 4 сияқты бірқатар халықаралық хабар тарату компаниялары үшін деректі және қысқа мерзімді хроникалық фильмдер түсіреді.
2013 жылы Ангелина Джоли TigerNestFilms кинокомпаниясына оның жұмысын БҰҰ босқындар жөніндегі Агенттігінің (БҰҰ БЖКБ) Арнайы өкілі ретінде түсіру ұсынысымен шыққан болатын. Олар бірлесе отырып, Сириядан, Ирактан, Бирмадан, Оңтүстік Судан мен Конго Демократиялық Республикасынан келген босқындардың қатысуымен жетеуден артық фильм жасап шығарды.
Анненберг қорының тапсырысы бойынша босқындар қозғалысын сипаттайтын деректі түсірілім кезінде "Оскар" сыйлығының лауреаты, актриса Кейт Бланшет және Том Стоддарт пен Линси Аддарио сынды танымал фотографтармен бірге жұмыс істеген. Бұл картина бес құрлықтағы босқындармен болған оқиғаларды бақылауға арналған. Аталған картина NetFlix платформасында шығарылған және 2017 жылы Ньюпорт Бич кинофестивалінде қазылар алқасының сыйлығын иеленді.
Клементиннің Италияға жезөкшелікпен айналысуға мәжбүрлі түрде жіберілген Нигериядағы әйелдер туралы фильмі 140 елден қатысқан бәсекелестердің алдында бәйгеге ие болып, 2017 жылы SocialImpactMediaAward сыйлығына лайық деп танылды. Guardian газетіне түсірілген бұл таспаның сюжеті Асти, Сицилияда жезөкшелікпен айналысуға мәжбүр болған мыңдаған әйел мен қыздардың ауыр тағдырына арналған.
Сонымен қатар, Клементин түрлі халықаралық гуманитарлық ұйымдармен, соның ішінде ЮНИСЕФ, Оксфорд ашыққандарға көмек комитетімен ("Oxfam"), Ага Хан қорымен, "WorldVision" ұйымымен және Дүниежүзілік банкпен ынтымақтастық жасады.
Катрин Кано
Трансформациялық өзгерістер дәуіріндегі инновациялық әлемдік көшбасшы және тәжірибелі топ-менеджер, оның бұқаралық ақпарат құралдары, стратегиялық басқару, басшылық ету, адам және мәдениет саласында, сонымен қатар қаржылық қайта құрылымдау және өсу бойынша мол тәжірибесі бар.
20 жылға жуық уақыт бойы мадам Кано Канада телерадиохабар тарату корпорациясы сияқты ақпараттық ұйымдарда аға атқарушы директор, жаңалықтар бөлімінің атқарушы директоры және 24 сағаттық жаңалықтар желілерінің басшысы болып жұмыс атқарып келеді. СВС-да ол бағдарламалар әзірлеу жөніндегі директор ретінде, Катардағы Al Jazeera English-те – жаңалықтар бөлімінің директорының орынбасары және СРАС медиажелісінің бас директоры ретінде жұмыс істейді. Сонымен қатар ол Торонтода қоғаммен байланыс жөніндегі ҰЛТТЫҚ бөлімде басқарушы серіктес болды және Парижде орналасқан франктілдес елдердің халықаралық ұйымында бас атқарушы директор болды.
Бүгінгі таңда түрлену, жаһандық инновациялар мен ESG-басқару, этика, шыншылдық, адалдық және есептілік сияқты мәселелермен айналысуға маманданған CanoVision консалтингтік фирмасының президенті және негізін қалаушысы болып табылады.
Мадам Кано күрделі саяси және мультимәдениеттік жағдайларда, көптеген мүдделі тараптардың қатысуымен жұмыс атқарып, әртүрлі проблемаларды шешумен айналысты. Ол өз әріптестерінің ілтипатын иеленіп, Канададағы ең ықпалды 100 әйелдің бірі болып екі рет таңдалды, сол сияқты Women in Communication and Technology (Коммуникация және технология саласындағы әйелдер) ұйымының «Жыл жаңашылы» марапатын алды.
Кэтрин G7/G8, Достастық және АТЭС саммиттерін, сол сияқты Ресей, Азия, Еуропа және АҚШ-тың мемлекет басшылары арасындағы көптеген екіжақты кездесулер жөнінде хабар таратып, әлемді көп аралады. Франктілдес елдердің халықаралық ұйымының басшысы ретіндегі өзінің лауазымдық міндеттерінің арқасында ол көптеген африкалық елдерде болып, үкіметтермен, OING жән үкіметтік емес ұйымдармен жұмыс істеді. Қазіргі уақытта ол «Журналистер адам құқықтары үшін» халықаралық ұйымы басқармасының директоры болып табылады. Спикер және журналдың авторы. Қазір Канадада, Монреаль қаласында тұрып жатыр.
Эндрю Кин
Эндрю Кин, GQ журналымен "100 әлеуметтік байланыс көшбасшылары" тізіміне енген, Кремний алқабындағы сандық революция саласындағы ең танымал және даулы сарапшылардың санатына кіреді. Ол бес кітап жазып шығарған, оның ішінде «Культ дилетанта» (“CultoftheAmateur”), «Интернет - это не ответ, или Ничего личного» (“TheInternetIsNotTheAnswer”) және «Как исправить будущее» (“HowToFixTheFuture”) бестселлерлері бар.
Үшінші маусымы 2020 жылы деректі фильм ретінде түсірілген "Демократияны қалай түзетуге болады" ("HowToFixDemocracy") онлайн-бейнесериалының режиссері болып табылады. Сонымен қатар, ол өзінің 2010 жылы құрылған "KeenOn"-шоу күнделікті подкастын жүргізеді - аталған авторлық жобада Франция президенті Эммануэль Макрон, Калифорния губернаторы Гэвин Ньюс және әлемдік деңгейдегі басқа да танымал адамдардың қонақ болғандықтарын атап өткен жөн.
Ширек ғасырдан астам уақыт бойы технологиялық стартаптарды құрумен айналысатын сериялық кәсіпкер екендігін де тілге тиек еткен жөн. 1995 жылы ол - ғаламтор желісіндегі алғашқы музыкалық онлайн-бизнестің бірі болып табылатын Audiocafe құрды, кейін ол afterTV, Pulse 3D және SantaCruzNetworks қоса алғанда көптеген басқа да технологиялық және медиа стартаптарды құруға қатысты.
Қазіргі уақытта ол -жоғары сапалы және сенімді-бейне контентті басқаруға мүмкіндік беретін NOW.tv болашақ ұрпақ платформасының негізін қалаушы және бас директоры болып табылады.
АЛИНА КИМ (homm9k)
Аламан – Қазақстандағы танымал ықпал ету агенті. Алина бет-әлпетін мультфильм стилінде әдеттегіден тыс өзгертіп көрсететін TikTok бейнероликтерінің арқасында (27 миллион) танымал болды. Мұндай бейнероликтер 2020 жылы вирустық роликтерге айналды және 2021 жылы да көп таралып келеді. Бүкіл әлемнен жазылушылар саны қазір өсуде және ол Tiktok көрсеткіштері бойынша әлемде 43-орынды алып отыр.
Алина TikTok-үйлерінің жазылушылар саны бойынша (16 млн) әлемдегі алдыңғы 3 тобына кіретін YOLO үйінің мүшесі.
Оның сонымен қатар Instagram желісінде танымал парақшасы мен YouTube-те арнасы бар.
Алина (Аламан) Samsung, FlightHouse және т.б. сияқты бірнеше брендтермен жұмыс істеді.
Ол жасап отырған контент кез келген тілде сөйлейтін адам үшін түсінікті болып табылады.
Али Аслан
Али Аслан - әлемге әйгілі тележүргізуші және ауқымды шаралардың жетекші модераторларының бірі. Ол 20 жыл ішінде тележурналистика саласы бойынша үш құрлықта тәжірибе жинаған. Қызмет орындары Вашингтондағы CNN, Нью-Йорктегі ABC News, Стамбулдағы Channel News Asia. Берлиндегі Deutsche Welle TV телеарнасында әлемнің 200 елінде көрсететін апта сайынғы көрермен саны 100 миллионға жететін Quadriga ток -шоуын жүргізді. Аслан-БҰҰ, G20, ЕО, Дүниежүзілік банк, ХВҚ, НАТО, ФИФА және ЭЫДҰ сияқты ұйымдардың халықаралық конференциялар мен саммиттері өзгеде рәсімдерінің жоғары сұранысқа ие модераторы. Әлемнің көптеген көшбасшылары және қоғам қайраткерлерімен сұхбаттасқан. Бұл тізімде Ангела Меркель, АҚШ-тың бұрынғы президенті Билл Клинтон, Франция президенті Эммануэль Макрон, Канада премьер -министрі Джастин Трюдо, Еуропалық комиссияның төрағасы Урсула фон дер Лайен, ХВҚ басқарушы директоры Кристалина Георгиева және тағы басқалар бар.
Канцлер Ангела Меркель үкіметінің саясат және бұқаралық ақпарат құралдары бойынша бұрынғы кеңесшісі Аслан Германия, Еуропа және трансатлантика мәселелері бойынша жиі сөз сөйлейді. Нью -Йорктегі Колумбия университетінің халықаралық қатынастар және журналистика магистрі, Вашингтондағы Джорджтаун университетінің халықаралық саясат бакалавры.
Джарон Ланье
21-ші ғасырдағы қайта өрлеу дәуірінің адамы Джарон Ланье -компьютерлік ғалым, композитор, суретші және жоғары технологиялық бизнес, технологияның әлеуметтік әсері, ақыл мен ақпарат философиясы, интернет саясаты, гуманизмнің болашағы сияқты көптеген тақырыптағы мақала авторы.
Оқырмандар оның «Сіз гаджет емес. Манифест» атты бірінші кітабын жоғары бағалайды. Еңбекте жоғары технологиялар дәуіріндегі рухани сезімталдықтың көрінісі баяндалған.
Ланьенің кітабы New York Times, Los Angeles Times, Boston Globe газеттерінің бағалауы бойынша халықаралық бестселлерлерге айналды. Ал «Time Magazine» журналы мен «The New York Times» басылымы оны жылдың үздік кітаптары қатарына қосты.
Wired Magazine журналы 2018 жылы Ланьені технология тарихындағы 25 жылдықтың ең ықпалды 25 адамның бірі деп атады. Сондай-ақ Time Magazine журналының бағалауы бойынша ол әлемдегі ең ықпалды 100 адамның қатарына енді, Foreign Policy журналы әлемдегі ең үздік 100 қоғамдық интеллектуал тізіміне, Prospect журналы әлемнің үздік 50 ойшылы қатарына қосты. «Британника» энциклопедиясы болса әлем тарихындағы 300 ұлы өнертапқыш сапынан орын берді. Ол үнемі фильмдерге шығармашылық кеңесші ретінде қатысады. «Особое мнение» және «Сфера» сондай туындылар қатарынан.
Дэниел Сасскинд
Ағылшын экономисі, Оксфорд университеті жанындағы Баллиол колледжі экономика мектебінің ғылыми қызметкері, Лондондағы Корлдік колледждің штаттан тыс профессоры. «Сіздің болашағыңыздың тарихы. Технология сіздің жұмысыңыз бен өміріңізге не береді» (әкесі, IT-заңгері Ричард Сускиндпен қосалқы автор ) және «Жұмыссыз болашақ. Технологиялар, автоматика және олардан қорқудың қажеті бар ма?» кітаптарының авторы. Ол Ұлыбритания үкіметінде жұмыс істеді: алдымен стратегиялық жоспарлау бөлімінде, содан кейін премьер -министр кеңсесі жанындағы саясат бөлімінде. «жұмыссыз болашақ» кітабында Сасскинд келешекте жұмыс орындары қазіргіден әлдеқайда аз әлемде боламыз деп болжайды. Автоматтандыру дүкендердің қазіргі жұмысшылары мен касса қызметкерлерін ғана емес, сонымен қатар шығармашылық адамдарында назардан тыс қалдырып, өмір сүру жаңа деңгейге көтеріледі. Дэниел Сасскиндтың «TED» конференциядағы болашақтағы жұмыссыздық жайлы баяндамасы 1,6 миллион рет қаралған.
